「听说过神爱很多人 很可能数我亦有份」 谢谢张敬轩为这首歌 增加一份信念和温暖 希望我们的声音 也可以陪你挨过万次的泪印 神爱世人 合唱版 关于《神爱世人合唱版》 记得上年圣诞喺澳门睇张敬轩演唱会，佢讲返初初嚟香港追梦嘅过程，房间里狭小嘅窗，在绝境中不断找寻光明与希望嘅佢，一定好好体会过「相信活着忍耐挨过万次的泪印」。佢呢段经历（又，人生点止经历咁少）令我觉得张生喺合唱版嘅角色，系一个张开双手给我温暖同勇气嘅人过来人，佢用佢嘅力量，拥抱着痛苦的我。 呢个合唱版，系一段曾经被自己拯救过嘅人， 与需要被拯救嘅人嘅对话，同时呢次嘅录音，我哋系喺同一个空间同时进行，感觉真系好温暖。 谢谢阿道喺时间如此紧拙嘅状况，交出如此高分嘅制作。 更多谢公司 EEG Music 知道我呢个想法之后嘅全力支持，邓小巧绝对系被眷顾嘅人 最后希望听者得到你需要嘅力量同勇气 「听说过神爱很多人 很可能 数我亦有份」 -邓小巧 好开心可以同小巧一齐演绎呢一首歌, 从旋律到歌词都系一首好感动嘅作品, 系听完之后会喺脑海入面久久唔会散去嘅一首歌。 之所以坚持要同步录音, 一来系因为好珍惜呢次合作嘅缘分, 小巧系一位好出色嘅歌手, 同佢唱歌绝对系一种享受；二来系合唱版当中需要嘅对话感比较强, 我觉得大家面对面喺同一个空间当中同呼同吸亦都系做呢一首合唱版嘅主旨。 作为一个乐迷, 好多谢宥嘉、铭洋创作咗一首咁好嘅作品, 再加上小巧喺独唱版当中嘅演绎, 为我带嚟咗疗愈同埋安慰, 好开心可以有机会成为当中嘅一分子 要特别多谢阿道嘅编曲同监制, 呢一版嘅编曲同埋风琴前奏系听得出落咗好多好多心机, 又可以再一次为你嘅编曲配唱, 开心。亦都要多谢奇哥系飘雪嘅伦敦为我哋完成咗呢一首歌嘅混音, 无论系音色抑或情谊都系份外温暖！辛苦我哋公司EEG嘅A&R 廖志华同埋子通, 令到呢一件美事可以好顺利咁发生, 仲有帮我哋主持录音session嘅沁怡同Ako。仲有多谢H-Crew嘅各位以及录音当晚由客人身份变咗工作人员嘅凯洲。 -张敬轩